關於新朋友//
廿幾歲人身邊朋友突然無哂，要重新識過朋友，本來唔識驚，幾個月後發現身邊一個朋友都無，開始覺得自己像被掉到地牢一樣好孤獨。
有人話，去到外國，梗係要同外國人做朋友，學英文。
我話，我係鍾意同亞洲人做朋友呀，吹呀。
剛來到英國，真係一個朋友都無。後來透過另一半認識了朋友的女朋友，她來自美國，人幾好，算傾得埋，她總是很好的閒時約我出去喝咖啡聊天，算是我第一個朋友。
後來我覺得用英文傾八卦野實在不能我口講我心，腦汁用太多。又有一段時間，我又沒有朋友。
再後來認識到來自香港的朋友，她又介紹我認識其他亞洲朋友，大家一齊打羽毛球、吃辣辣煱、去飲茶、在港式餐廳留連。當然，一齊講廣東話，每次聚會前我都充滿期待，聚會後都覺得成人好Gur。思鄉又減少一點。
外地識一個真正的朋友，真 的 很 重 要。不止是一齊Hang out玩咁簡單，而是一種Support。香港朋友不會明白你的難處、又不想家人擔心。有甚麼好過跟你講同一語言的朋友？我的朋友暫時很多元化，有英國人、香港人、馬來西亞人、北京人，有交心、也有喝咖啡程度的。有被動被人邀約，也有很努力主動邀約人家。朋友要維繫，我很幸運，在外地找到有人跟我舒服的互動聊天，不是耶撚的我，覺得好感恩。
我明白入鄉隨俗，有外國人在時大家都盡量禮貌講英文，平時都好守規距。但同時我不想失去香港人的身份，說到底我好Proud of我黎自香港，亦好Proud of講廣東話、睇繁體書、食公仔麵、飲珍珠奶茶的文化。即使英文未至於10級流利，但我生活得不錯，Well，暫時係。
學英文、學文化有好多方法，朋友應該是令自己覺得舒服，最能夠表達自己地談笑，不論國籍，如果梗係因為學英文而跟外國人做朋友，那做人壓力也太大了，倒不如自己一個留喺屋企煲Netflix。
Search